श्री सुदर्शन षट्कम् (Shri Sudarshana Shatkam)

सहस्रादित्यसङ्काशं सहस्रवदनं प्रभुम्।
सहस्रदं सहस्रारं प्रपद्येऽहं सुदर्शनम् ॥१॥

हसन्तं हारकेयूर मुकुटाङ्गदभूषणम्।
भूषणैर्भूषिततनुं प्रपद्येऽहं सुदर्शनम् ॥२॥

स्राकारसहितं मन्त्रं पठन्तं शत्रुनिग्रहम्।
सर्वरोगप्रशमनं प्रपद्येऽहं सुदर्शनम् ॥३॥

रणत्किङ्किणिजालेन राक्षसघ्नं महाद्भुतम्।
व्याप्तकेशं विरूपाक्षं प्रपद्येऽहं सुदर्शनम् ॥४॥

हुङ्कारभैरवं भीमं प्रणातार्तिहरं प्रभुम्।
सर्वपापप्रशमनं प्रपद्येऽहं सुदर्शनम् ॥५॥

फट्कारान्तमनिर्देश्यं महामन्त्रेण सम्युतम्।
शुभं प्रसन्नवदनं प्रपद्येऽहं सुदर्शनम् ॥६॥

एतैः षड्भिः स्तुतो देवो भगवान् श्रीसुदर्शनः।
रक्षां करोति सर्वात्मा सर्वत्र विजयी भवेत् ॥७॥
॥ इति श्री सुदर्शन षट्कम् ॥